呢期最热门慨减肥饮食方法都真系非生酮饮食法（英文︰Ketogenic Diet）莫属喇。我相信周围都进行紧热烈讨论，而你亦都听过或睇过唔少相关资讯。我今次就想以营养学慨角度讲吓个人睇法，正反两面都讲吓。首先，我想讲吓呢饮食方法慨背后理念。生酮饮食其实系一种高脂肪，适中蛋白质，非常低淀粉质慨饮食习惯。提倡呢种饮食法慨人认为减少淀粉质进食，令到每日卡路里摄取量中，有5%至10%来自淀粉质，从而帮助你减肥。
生酮饮食部分餐单
|
有咩食得？有咩唔食得？ |
|
|
饭、面、面包❌ |
A5和牛、鸡皮，猪油，牛油 ✅ |
呢个饮食方法最适合一啲本身对淀粉质类食物冇乜好感慨人，可以打正旗号去唔食饭、面、面包之类慨野。另一方面，渠哋就可以好放肆咁食「油淋淋」慨食物，例如A5和牛，鸡皮，猪油，牛油，因为生酮饮食并无限制呢类食物。
生酮饮食法最大好处并非减肥
呢种饮食方法系会好饱肚，因为你食左好多油，咁你之后就唔会有心瘾去搵零食架喇。
当然有研究显示系有效啦，甚至比「低脂饮食」同「低淀粉饮食」有更大减磅效果添。
不过呢种饮食最大慨好处唔系减重，而系帮助到有儿童癫痫问题慨小朋友去减低癫痫发作率。其实早起1920年代开始，生酮饮食法已经有人提出，不过系用嚟控制儿童癫痫，我就唔知点解最近突然流行起嚟，仲用嚟减轻体重。
延伸阅读
- 【BMI 计算机】一文认识计算方法、男女正常标准！
生酮饮食有何缺点？
其实呢种饮食方式最大问题系「难入口」，所以好难长期食落去。试谂下，日日都要大大啖将啲油淋淋慨食物放入口喎。
而且餐单慨营养比例唔系好均衡，你谂下5%卡路里可以来自淀粉质，以每日1500Kcal为例，即系75Kcal咋，想食个橙都唔得呀，政府都有讲啦，要维持健康饮食，每日最少要两个水果喎。仲有其他好多有益慨食物都食唔到，除左粉、面、饭，全麦产品同豆制品都食唔到。
所以，长期咁食法，最令人担心系进食者有机会出现「部分营养缺乏症」，例如缺少维他命b杂同镁质之类。同埋好难食得够每日所需慨纤维。
另外，讲明生酮饮食法，就梗系会产生酮啦。酮其实有轻微毒性慨，储埋储埋就会出现酮症（Ketosis），症状包括头痛，头晕，疲累，失眠，便秘等，而且个口仲会好臭添。不过目前都好似暂时未有报告过因为ketosis而死亡慨个案，touchwood。
话时话，系有好多研究证明减重成效，但全部都系短期研究黎，你问我两年之后仲可唔可以一路减到落去，或者会唔会反弹，我就答你唔到喇。
所以，要唔要进行呢个饮食法，最好分析好利弊以及向营养师咨询意见再决定啦。
